Press-Reliz
Gürcüstanda soydaşlarımızla görüş keçirildi
“Əlillər Dünyası” qəzetinin təsisçisi və baş redaktoru və “Beynəlxalq Əlillər Cəmiyyəti” İB-in sədri Tahir Xudiyev 17,18,19 oktyabr tarixlərində Gürcüstanda səfərdə olaraq, orada yaşayan əlil soydaşlarımızla müxtəlif görüşlər keçirmişdir. T.Xudiyev Tbilisi şəhərində və Batumi, Rustavi, Katex, Seqareco rayonlarının bir neçə kəndlərində olaraq azərbaycanlı soydaşlarımızla görüşmüşdür.
T.Xudiyev Saqareco rayonunun azərbaycanlıların kompakt yaşadığı Muğan kəndinin hörmətli ziyalılarından sayılan, xeyriyyəçi iş adamı Qasımov Tanrıverdi Məsimalı oğlunun qonağı olmuşdur. Tanrıverdi müəllim “Ucarma” kurortunun sahibidir. Hələ Sovet dövründən fəaliyyət göstərən bu sanatoriyada poleosteartroz osteoxandroz, spandiloz spondiloartroz, revmatizm, revmopoliartrit, tromboflebit, periferik sinir sistemi xəstəlikləri, mərkəzi sinir sistemi, uşaqlıq və onun əlavə xroniki iltihabı, dəri xəstəlikləri və s. bu kimi xəstəliyi olan insanlar istirahət edirlər. Qürur hissi duyuruq ki, belə bir gözəl sağlamlıq ocağına məhz azərbaycanlı ziyalı rəhbərlik edir.
Çox istərdik ki, Azərbaycan Diasporu, Mədəniyyət və Turizm Nazirliyi və digər aidiyyəti dövlət qurumları soydaşımızın rəhbərlik etdiyi bu müalicəvi sanatoriya ilə qarşılıqlı əməkdaşlıq edərək onun ölkəmizdə və digər xarici ölkələrdə tanınmasına dəstək versinlər.
T.Xudiyev həmçinin Gürcüstanda sanatoriyada məskunlaşmış Abxaziyadan olan qaçqın əlillərlə də görüşmüş, Səudiyyə Ərəbistanı Krallığının Azərbaycandakı fövqəladə və səlahiyyətli səfiri cənab Fəhd bin Əli Ət-Dusari tərəfindən İctimai Birliyə verilmiş xurma payından onlara da sovqat vermişdir.
Görüş iştirakçıları "Əlillər Dünyası" qəzetinin və "Beynəlxalq Əlillər Cəmiyyəti" İctimai Birliyinin Gürcüstana səfər edəərk soydaşlarımızla görüşüb onların vəziyyətləri ilə maraqlanmasını yüksək qiymətləndirərək minnətdarlıqlarını bildirdilər.