Məhkumların əl işlərindən ibarət sərgi

Bu gün 6 saylı Cəzaçəkmə Müəssisəsində Penitensiar Xidmətin CCM-larında cəza çəkən məhkumların əl işlərindən ibarət sərgi keçirildi.

Tədbiri girış sözü ilə açan Penitensiar Xidmətin rəisi vəzifəsini icra edən, general-mayor Hüseyn Əlixanov tədbirin xeyirxah bir məqsəd daşıdığını vurğulamış, özəl müəssisə sahiblərini və digər təşkilatları məhkumların əl işlərindən gəlir götürərək özlərinə və ailələrinə kömək edə bilmələri üçün Penitensiar Xidmətlə əməkdaşlığa dəvət etmiş, məhkumların azadlığa çıxdıqdan sonra cinayət törətməməsi üçün işlə təmin olunmasının vacibliyini qeyd etmişdir. Hüseyn Əlixanov jurnalistlərin çoxsaylı suallarını cavablandırmışdır.

Müəssisənin zalında müxtəlif CCM-lardakı məhkumların bir-birindən gözəl əl işləri nümyiş etdirildi.

“Beynəlxalq Əlillər Cəmiyyti” İB-in hərbi işlər üzrə sədr müavini, təqaüddə olan polkovnik, 2-ci qrup Qarabağ müharibəsi əlili Nazir Hüseynov, BƏC İB-in İdarə Heyəti üzvü, təqaüddə olan mayor, Qarabağ müharibəsi veteranı Kamal Quliyev və İH-ın üzvü Məlahət Abdullayeva da dəvətlilər sırasında tədbirdə iştirak edirdilər. Onlar belə tədbirlərin məhkumların həyata adaptasiyasına müsbət təsir göstərməsini qeyd etdilər.

         Məlumat verdiyimiz kimi, “Beynəlxalq Əlillər Cəmiyyəti” İB-in əməkdaşları hazırda Almaniyanın Frankfurt şəhərində keçirilən Asiya İnkişaf Bankı Rəhbərlər Şurasının 49-cu İllik Toplantısında iştirak edirlər. Yazı çapa hazırlanarkən onlarla əlaqə saxladıq, İB-in sədri Tahir Xudiyev bildirdi ki, Almaniya Bunderstaqının deputatı Andreas Jahnla görüş zamanı İctimai Birliyin fəaliyyətindən danışarkən Penitensiar Xidmətlə olan sıx əməkdaşlıqdan, PX-ın müsbət fəaliyyətindən, həmçinin bu gün 6 saylı CÇM-da keçirilən məhkumların əl işləri sərgisindən də bəhs etmişdir.

“Əlillər Dünyası” qəzetindən,

04.05.2016