"Beynəlxalq Əlillər Cəmiyyəti" İB Azərbaycan Respublikasının Prezidenti yanında QHT-lərə Dövlət Dəstəyi Şurasının yardımı ilə "Qaçqın, məcburi köçkün, müharibə veteranları, əlil və sağlamlıq imkanları məhdud olan şəxslərin, məhbusların və ailə üzvlərinin problemlərinin həllinə dəstək" adlı layihə həyata keçirib. Layihənin məqsədi həmin kateqoriyalı vətəndaşların həyatda rastlaşdıqları tibbi, hüquqi, psixoloji problemlərinin öyrənilərək həllinə nail olmaqdan, bu istiqamətdə onlarla maarifləndirmə işləri aparmaqdan, həmçinin məhbusların hələ Cəza Çəkmə Müəssisələrindən başlayaraq həyata adaptasiya və reabilitasiyasına köməklik göstərməkdən ibarət idi.
Bu gün İB-in qarşılıqlı əməkdaşlıq etdiyi AMEA Mərkəzi Elmi Kitabxanasında layihənin yekununa həsr edilmiş tədbir keçirildi.
Tədbiru giriş sözü ilə açan layihənin rəhbəri və "Beynəlxalq Əlillər Cəmiyyəti" İB-in sədri Tahir Xudiyev layihənin məqsədi ilə yanaşı İB-in gördüyü hər bir işlərdə məqsədin ölkə rəhbərliyinin imtiyazlı vətəndaşların sosial müdafiəsinə, onların hüquqlarının qorunmasına göstərdiyi yüksək diqqət və qayğıya, ardıcıl siyasətə dəstək vermək və bütün cəmiyyətin diqqətini bu xeyirxah işə yönəltməkdən ibarət olduğunu bildirdi.
"Beynəlxalq Əlillər Cəmiyyəti" İB-in İdarə Heyəti üzvü, AMEA Mərkəzi Elmi Kitabxananın direktoru, tibb üzrə elmlər doktoru Leyla İmanova layihə tərəfindən əhatə edilmiş əhali qruplarının cəmiyyətə sağlam inteqrasiyası üçün qarşıya qoyulmuş vəzifələrin tam şəkildə icra edildiyindən danışdı və imtiyazlı vətəndaşların sosial, tibbi, psixoloji və hüquqi problemlərinin həlli istiqamətində əlavə təkliflər hazırlanaraq aidiyyəti dövlət təşkilatlarına təqdim ediləcəyini tədbir iştirakçılarının nəzərinə çatdırdı.
İdarə Heyəti üzvü, layihənin icracılarından biri Məlahət Abdullayeva 3 ay davam edən layihə zamanı İB-yə köməklik üçün müraciət edən 10-larla imtiyazlı vətəndaşların sosial, tibbi, psixoloji problemlərinin həlli ilə bağlı aidiyyatı dövlət təşkilatlarına müraciətlər edildiyini, bundan başqa İB-ə e-mail və qaynar xətt vasitəsi ilə köməklik üçün müraciət edənlərlə maarifləndirici söhbət aparıldığından danışdı, yeri gəldikcə onlara İB-in psixoloqu Səidə Musayeva tərəfindən psixoloji yardımların göstərildiyini bildirdi.
İB-in İdarə Heyəti üzvü, tibb elmləri doktoru Əhməd Babayev, İB-in Hüquq şöbəsinin rəhbəri, ədliyyə müşaviri Fərman Rzayev layihənin icrası zamanı maarifləndirici tədbirlərin əhəmiyyətindən, eləcə də layihənin icrasının tam şəffaflıq şəraitində aparıldığından və hesabatlılıq prinsiplərinə uyğun olaraq daima İB-in saytında və mediada işıqlandırıldığından danışdı.
İB-in Qarabağ üzrə nümayəndəliyinin rəhbəri Həsənağa Bayramov regionda İB-in gördüyü sosial yönümlü işlərdən danışdı, eyni zamanda bu layihənin həyata keçirilməsində göstərdiyi dəstəyə görə Azərbaycan Respublikasının Prezidenti yanında QHT-lərə Dövlət Dəstəyi Şurasına İB-in kollektivi adından təşəkkürünü bildirdi.
Penitensiar Xidmətin İctimaiyyətlə Əlaqələr Şöbəsinin əməkdaşı Rövşən Hacıyev "Beynəlxalq Əlillər Cəmiyyəti" İB ilə uzun illər ərzində əməkdaşlıq çərçivəsində İB-in imtiyazlı məhbusların özləri və ailələri üçün gördüyü işləri yüksək qiymətləndirdi, bu əməkdaşlığın davamlı olacağına ümid etdiyini bildirdi.
"Azərbaycan Dəmir Yolları" QSC-nin əməkdaşı Elbariz Məmmədli respublikamızda həqiqi mənada ictimai fəaliyyət göstərən, imtiyazlı vətəndaşların problemlərinin həllinə daima dəstək verən "Beynəlxalq Əlillər Cəmiyyəti" İB-in gördüyü işləri müsbət qiymətləndirdi. Qeyd etdi ki, bu tədbir kağız üzərində hesabat deyil, görülən işlərin müsbət nəticəsidir.
Çıxış edənlər -"Beynəlxalq Əlillər Cəmiyyəti" İB-in İdarə Heyəti üzvü, AMEA Elm TV-nin direktoru Xatirə Cabbarzadə, Fövqəladə Hallar Nazirliyinin əməkdaşı Röfət Quliyev, Gənclər və İdman Nazirliyinin əməkdaşı Rüstəm Abdullayev, Müdafiə Nazirliyinin əməkdaşları Zümrüd Səmədova və Rüfət Mehrəliyev, Qaçqınların və Məcburi Köçkünlərin işləri üzrə Dövlət Komitəsinin əməkdaşı Elçin Qədimov, Ekologiya və təbii Sərvətlər Nazirliyinin baş məsləhətçisi Şövkət Bəkirov, "Əlilliyi olan şəxslərin sosial müdafiəsinə və inteqrasiyasına dəstək" İB-in sədri Səbinə Kərimova, müəllimə Sairə Rəsulova da layihənin vacibliyindən danışdılar və İB-in gördüyü işləri təqdirəlayiq saydılar.
Tədbirdə Dini Qurumlarla İş üzrə Dövlət Komitəsinin əməkdaşı Ramil Baxşəliyev, Nizami RİH-nin nümayəndəsi Eldəniz Zeynalov, Milli Kitabxananın əməkdaşı Aybəniz Məmmədova, Ailə, Qadın, və Uşaq Problemləri üzrə Dövlət Komitəsinin əməkdaşı Azər İsalı, Məcburi Köçkünlərin Sosial İnkişaf Fondunun əməkdaşı Elnur Quliyev, Ədliyyə Nazirliyinin əməkdaşı Nizami Əliyev, Nəqliyyat, Rabitə və Yüksək Texnologiyalar Nazirliyinin əməkdaşı Cahangir Atakişiyev, QHT və KİV nümayəndələri iştirak edirdilər.
26.07.2018
Məlahət Abdullayeva
https://www.youtube.com/watch?v=mZT57pYg9x0
https://www.youtube.com/watch?v=K_rn6sgnsCg
http://elmtv.az/az/news/2669/
http://tezexeber.az/son/2397-beynelxalq-eliller-cemiyyeti-b.html
http://azpress.az/index.php?lang=az§ionid=news&id=82433
http://www.qhtxeber.az/news.php?id=11018&lang=az
http://sosialxeber.az/beyn%C9%99lxalq-%C9%99lill%C9%99r-c%C9%99miyy%C9%99ti-ib-novb%C9%99ti-d%C9%99f%C9%99-imtiyazli-v%C9%99t%C9%99ndaslarin-probleml%C9%99rinin-h%C9%99llin%C9%99-d%C9%99st%C9%99k-oldu/
