"Beynəlxalq Əlillər Cəmiyyəti" İB-in Şuranın dəstəyi ilə imtiyazlı şəxslərlə bağlı layihəsi başa çatdı
Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə "Beynəlxalq Əlillər Cəmiyyəti" İB-in sentyabr ayından icrasına başladığı "İmtiyazlı şəxslərin sosial problemlərinin həllinə ictimai dəstək mövzusunda maarifləndirmə tədbirlərinin təşkili" adlı layihəsi başa çatdı. Layihənin icrası zamanı mövcud koronavirus pandemiyası ilə əlaqədar olaraq 20 imkansız ailələrə ərzaq yardımı edilib. Yardımlar hədiyyə kartları ilə poçt vasitəsi ilə ailələrə göndərilib. Bundan başqa öz müraciətləri əsasında bir neçə nəfərin sosial problemlərinin həlli istiqamətində işlər aprılıb. Hazırkı koronavirus pandemiyası ilə əlaqədar karantin və vətən müharibəsi dövründə bir çox insanlar psixoloji gərginlik keçirir. Bu məqsədlə əlilliyi olan bir neçə şəxsə psixoloji köməklik də olunub. Onlarla maarifləndirici söhbətlər aparılıb.
Onu da qeyd edək ki, "Beynəlxalq Əlillər Cəmiyyəti" İB yalnız layihə zamanı deyil layihədən kənar vaxtlarda da imtiyazlı şəxslərin sosial poblemlərinin həlli üçün işlərini davam etdirir və hüquqlarının müdafiəsinə dəstək olur.
Mətbuat xidməti
30.10.2020