“Beynəlxalq Əlillər Cəmiyyəti“-nin üzvü “Qrand-2011” mükafatına layiq görüldü!
“Beynəlxalq Əlillər Cəmiyyəti” İctimai Birliyinin 200 nəfər əlil və imkansız üzvləri öz ailələri ilə birgə 26 aprel 2012-ci il tarixində Heydər Əliyev Sarayında Rusiyada biznes sahəsində fəaliyyət göstərən iş adamları Valeri və Vadim İlişayev qardaşlarının rəhbəri olduqları “V&V Company”nin təsis etdiyi “Qrand Müstəqil Milli-İctimai Mükafatı-2011” –in təqdimatı mərasimində iştirak etdilər. Bu tədbirə rəsmən Mədəniyyət və Turizm Nazirliyi tərəfindən dəstək verilmişdir.
Mərasimdə tanınmış mədəniyyət və incəsənət xadimləri, eləcə də məşhur estrada ulduzları mükafata layiq görüldülər. “Rusiya şou-biznesində atdığı uğurlu addımına görə” – nominasiyasında İctimai Birliyimizin üzvü, 1-ci qrup əlil Murad Sadıx “Qrand-2011” Mükafatına layiq görüldü. Bu münasibətlə Muradı və mükafat alan digər mədəniyyət və incəsənət xadimlərini təbrik edirik!
Şəkildə: Novxanı Nümayəndəliyimizin rəhbəri Lalə xanım Abuzərova və Cəmiyyətimizin üzvü 2-ci qrup Qarabağ müharibəsi əlili, Sambo üzrə SSRİ İdman ustalığına namizəd, həkim-stomatoloq Hüsaməddin Xudiyev Murad Sadıxı təbrik edərkən.
