İctimai Birliklə Penitensiar xidmət arasında Tədbirlər Planı imzalanmışdır
Azərbaycan Respublikası Ədliyyə Nazirliyinin Penitensiar Xidməti ilə "Beynəlxalq Əlillər Dünyası" İctimai Birliyi arasında "Cəza çəkən əlil insanların problemlərinin həlli istiqamətində beynəlxalq təcrübənin tətbiq edilməsi, bu sahədə müvafiq maarifləndirmə işinin aparılması və cəmiyyətə inteqrasiya olunmalarında köməklik göstərilməsi məqsədilə keçiriləcək seminar-treninqlərə dair" 10 mart 2011-ci il tarixində . Tədbirlər Planına müvafiq olaraq 08.06.2011-ci il tarixində ƏN PX-nin 16 saylı CM–da cəzaçəkən müxtəlif qruplu əlilliyi olan məhkumlarla görüş keçirilmişdir.
Tədbirdə 14 nəfər əlilliyi olan məhkum, PX-nın Baş İdarəsinin əməkdaşı Natəvan Tahirova, "Beynəlxalq Əlillər Dünyası" İctimai Birliyinin sədri Tahir Xudiyev, Birliyin hüquqşünası Səhəddin Cəfərov və 16 saylı CM-nın əməkdaşları iştirak etmişlər.
Tədbirdə mövzu ilə əlaqədar Tahir Xudiyev və Natəvan Tahirova məruzə ilə çıxış etmişlər.
Sonra mövzu ilə əlaqədar əlil məhkumlarla müzakirələr aparılmışdır. Müzakirələr zamanı əlil məhkumları maraqlandıran suallar, onların irəli sürdükləri problem və çətinliklər dinlənilmiş və həmin problem və çətinliklərin mövcud qanunvericilik çərçivəsində həlli barədə onlara hüquqi yardım göstərilmişdir.
Müəyyən edilmişdir ki, əlil məhbusların səhhəti və sosial müdafiəsi ilə bağlı yaranmış problemlərinin müəyyən qisminin həlli təkcə ƏN PX-dan asılı deyildir. Bu məsələlərin müsbət həllinə aidiyyati üzrə Səhiyyə, Əmək və Əhalinin Sosial Müdafiəsi Nazirlikləri və Dövlət Sosial Müdafiə Fondunun müdaxiləsinə ehtiyac duyulur. İctimai Birlik hər bir əlil məhkumun problemləri barədə həmin təşkilatlar qarşısında məsələ qaldıracaq və ictimai nəzarət qaydasında bu məsələlərin müsbət həlli istiqamətində fəaliyyətini gücləndirəcəkdir.
Tədbirlər Planına müvafiq olaraq, bu səpkidə tədbirlər ƏN PX ilə mütəmadi olaraq davam etdiriləcək və əlil məhkumlarla bağlı müəyyən problem və çətinliklər ictimai nəzarətə götürüləcəkdir.
