Agentliyin dəstəyi ilə həssas sosial qruplara xidmətlər təşkil ediləcək
Azərbaycan Respublikasının QHT-lərə Dövlət Dəstəyi Agentliyinin dəstəyi ilə "Beynəlxalq Əlillər Cəmiyyəti" İB fevral ayının 1-dən "Həssas sosial qruplara aid vətəndaşlar üçün tibbi, hüquqi və psixoloji xidmətlərin təşkili" adlı layihənin həyata keçirilməsinə başlayıb. Layihə zamanı bütün kateqoriyadan olan əlilliyi olan şəxslər, Azərbaycanın ərazi bütövlüyü uğrunda döyüşüb əlil olmuş şəxslər və döyüşçülər, şəhid ailələri və Milli Qəhrəman ailələri, məcburi köçkünlər, həmçinin əlilliyi olan məhbusların və onların ailə üzvlərinin tibbi-sosial, hüquqi, psixoloji problemləri öyrənilərək həlli istiqamətində işlər aparılacaq, onlara psixoloji xidmət göstəriləcək, eləcə də onlarla maarifləndirmə işləri aparılacaq. Həmçinin maarifləndirmə məqsədi ilə “Həssas sosial qruplara aid vətəndaşlar üçün yaddaş kitabçası” da nəşr edilib layihə zamanı paylanılacaq.
Mətbuat xidməti
03.02.2022
QHT-lər şəhid anası ilə dövlət məmurları və ictimaiyyətin görüşunu təşkil etdi
Bir müddət bundan öncə Azərbaycandan olan bir qrup şəhid ailələri üzvlərinin Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnuk-leytenant Rəşad Quliyevin anası Mətanət Quliyeva da var idi.
XANKƏNDİNDƏ
“Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” İB-in əməkdaşları və Gəncə ziyalıları Xankəndində-30.08.2024-cü il. Bü günləri bizə yaşadan ŞƏHİDLƏRİMİZƏ ALLAH RƏHMƏT ELƏSİN, QAZİLƏRİMİZƏ ÖMÜR VERSİN.
“Beynəlxalq Əlillər Cəmiyyəti” İB “Dünya” TV-də “Biz sizinləyik” adlı veriliş hazırladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İctimai Birliyinin (BƏC İB) həyata keçirdiyi "Müharibə əlilləri və şəhid ailələri ilə iş" adlı layihənin icrası zamanı 5 iyul tarixində “Dünya” TV-də “Biz sizinləyik” adlı televiziya verilişi canlı şəkildə efirə getdi.
