“Beynəlxalq Əlillər Cəmiyyəti” İB, “Türk Dünyası Turan Düşüncə Mərkəzi” İB
Hörmətli Azərbaycan xalqı,
Ukrayna dövləti və xalqı üçün bu çətin və həlledici günlərdə onlarla bir olduğumuzu yalnız silah götürüb döyüşməklə deyil, öz evimizdən də bildirə bilərik. Neçə gündür Ukrayna səfirliyinin qarşısında Ukrayna xalqına bacardığı mənəvi və maddi köməklik etmək üçün növbəyə dayanan sülhsevər xalqımızın nümayəndələri bunu bütün dünyaya bəyan edir.
Bütün Azərbaycan xalqına müraciət edirik - hal-hazırda Ukraynadan evakuasiya olunan ailələrə öz ailələrimizdə müvəqqəti sığınacaq vermək mənfur düşmənə qalib gəlməsi üçün Ukrayna xalqına mənəvi dəstəkdir.
Onu xüsusi qeyd edək ki, Ukrayna dövlətinin və xalqının qələbəsi şər qüvvələr üzərində qələbə deməkdir. Ukraynanın qələbəsi Qarabağda tam qələbə qazanmağımıza da dəstəkdir.
Ukraynadan ölkəmizə pənah gətirən ailələri öz ailələrində yerləşdirmək istəyən vətəndaşlarımızdan bizimlə əlaqə saxlamağı xahiş edirik.
Əlaqə telefonu: (050/55/70) 363 99 09; (012) 421 54 08; (012) 511 69 09
Tahir Xudiyev
Sədr
02.03.2022
QHT-lər şəhid anası ilə dövlət məmurları və ictimaiyyətin görüşunu təşkil etdi
Bir müddət bundan öncə Azərbaycandan olan bir qrup şəhid ailələri üzvlərinin Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnuk-leytenant Rəşad Quliyevin anası Mətanət Quliyeva da var idi.
XANKƏNDİNDƏ
“Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” İB-in əməkdaşları və Gəncə ziyalıları Xankəndində-30.08.2024-cü il. Bü günləri bizə yaşadan ŞƏHİDLƏRİMİZƏ ALLAH RƏHMƏT ELƏSİN, QAZİLƏRİMİZƏ ÖMÜR VERSİN.
“Beynəlxalq Əlillər Cəmiyyəti” İB “Dünya” TV-də “Biz sizinləyik” adlı veriliş hazırladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İctimai Birliyinin (BƏC İB) həyata keçirdiyi "Müharibə əlilləri və şəhid ailələri ilə iş" adlı layihənin icrası zamanı 5 iyul tarixində “Dünya” TV-də “Biz sizinləyik” adlı televiziya verilişi canlı şəkildə efirə getdi.
