Ötən ay Riqadan Bakıya xidməti ezamiyyətə gələn Latviya emiqrasiya xidmətinin şöbə midiri Yanis Divans, həmin şöbənin əməkdaşları Maçek Xonavko, Ritvar Huşner, Viesturs Bredikis Azərbaycan Əlillər Cəmiyyətinin Nizami Rayon Şöbəsinin sədri, “Əlillər Dünyası” qəzetinin təsisçisi və baş redaktoru Tahir Xudiyevin qonağı omuşlar. Ev sahibi qonaqları onların arzusu ilə ümummilli liderimiz Heydər Əliyevin məzarını və Şəhidlər Xiyabanını ziyarətə aparmıış, Bakının tarixi və mədəniyyət abidələrinə ekskursiya təşkil etmiş, Azərbaycan həqiqətlərinin nələrdən ibarət olduğunu onların nəzərinə çatdırmışdır.
Bu günlərdə T. Xudiyevin ünvanına Yanis Divansdan məktub gəlmişdir. O, yazır:” Tahir, səmimi qəbula və qonaqpərvərliyə görə Sizə təşəkkürümüzü bidiririk. Sizin məlumatlarınız Azərbaycan haqqında qeyri-obyektiv fikirlərimizi büsbütün dəyişdirdi. Əsl Azərbaycanın nə olduğunu bizə anlatdınız”.
Qonaqlar məktubla yanaşı Bakıda çəkdirdikləri xatirə şəkillərini də T.Xudiyevə göndərmişlər.