Azərbaycan RespubliВ¬kasının Prezidenti yаnında Qeyri-Hökumət TəşkilatВ¬larına Dövlət Dəstəyi Şurasının maliyyə dəstəyi ilə "Beynəlxalq Əlillər Dünyası" İctimai Birliyi 01.04.2011-ci ildən 01.08.2011-ci il tarixinədək "Əlil uşaqların məktəbəqədər müəssisələrdə, xüsusi məktəb və siniflərdə, evdə fərdi təhsilə cəlbi vəziyyətinin monitorinqi" adlı layihə həyata keçirir.
Layihə çərçivəsində 16-18 iyun 2011-ci il tarixlərində Ağdam rayonu ərazisində əlil uşaqların təhsilə cəlbi sahəsində görülmüş işlərin monitorinqi aparılmışdır. Ağdam Rayon Əhalinin Sosial Müdafiəsi Mərkəzinin verdiyi rəsmi siyahıya əsasən rayon üzrə 626 nəfər əlilliyi olan məktəb yaşlı uşaqlar vardır. Əlilliyi olan uşaqların ailələrində olmuş, onlarla aparılan təlim-tərbiyə işlərinin vəziyyəti öyrənilmiş, Ağdam rayon təhsil və səhiyyə şöbələrində ayrı-ayrılıqda layihə ilə əlaqədar maarifləndirmə tədbirləri keçirilmişdir. Ağdam Rayon Təhsil Şöbəsinin əməkdaşlarından Mustafa Muradov, Əlvan Rüstəmov, Ramiz Xıdırov, Ağdam Rayon Mərkəzi Xəstəxanasının Baş həkimi Gülnar Abbasova, əməkdaşları Aybəniz Quliyeva, Şəlalə Qurbanova, Zaur Əliyev, Cəlal Bağırov əlil uşaqların təhsili ilə bağlı mövcud vəziyyətlə əlaqədar öz rəy və təkliflərini bildirmişlər. Ağdam rayonunda aparılmış monitorinqin yekunlarına dair Ağdam Rayon Əhalinin Sosial Müdafiə Mərkəzində mərkəzin və yerli kənd icra nümayəndəliklərinin əməkdaşları və müəllimlərin iştirakı ilə tədbir keçirilmişdir. Tədbiri giriş sözü ilə Mərkəzin direktoru Elman Əliyev açaraq əlil uşaqların təhsili ilə bağlı keçirilən bu layihənin vacibliyindən danışmışdır.
Sonra Birliyin sədri, layihənin rəhbəri Tahir Xudiyev çıxış edərək layihənin məqsəd və vəzifələri haqqında tədbir iştirakçılarına geniş məlumat vermiş, aparılmış monitorinq zamanı evdə fərdi təhsilə cəlb edilmiş uşaqların təhsili sahəsində mövcud olan problemlərdən danışmışdır. Tədbirdə Ağdam Rayon Əhalinin Sosial Müdafiəsi Mərkəzinin direktor müavini Bəxtiyar Məmmədov, Mərkəzin əməkdaşlarından Şəhriyar Rüstəmov, Teymur Quliyev, Quzanlı kənd icra nümayəndəliyinin müavini Arzuman Rüstəmov, Ağdam rayon 18 saylı məktəbin müəllimi Mətanət Hacıyeva, valideynlərdən Şamil Əbilov və Mahir Rzayev əlil uşaqların inkluziv və fərdi təhsili barədə öz fikir və mülahizələrini bildirmişlər.
Ağdam Rayon Əhalinin Sosial Müdafiəsi Mərkəzinin direktoru Elman Əliyev və Ağdam Rayon Mərkəzi Xəstəxanasının baş həkimi Gülnar Abbasova rayonda monitorinqin keçirilməsinə və yekunlaşdırılmasına yüksək səviyyədə əməli köməklik göstərmişlər.
Tədbirin sonunda layihə çərçivəsində İctimai Birlik tərəfindən nəşr edilmiş "Sağlamlıq imkanları məhdud olan uşaqların inkluziv və fərdi təhsili haqqında qanunvericilik sənədlər toplusu" adlı kitab və əlil uşaqlar üçün məktəb ləvazimatlarından ibarət qovluqlar iştirakçılara təqdim edilmişdir.