“Beynəlxalq Əlillər Cəmiyyəti” İB-in layihəsi davam edir
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən “Konstitusiya və Suverenlik İli”nə həsr olunmuş "Cəmiyyətlə yenidən bağlantı və sosial inteqrasiya" adlı layihənin icrası zamanı “Beynəlxalq Əlillər Cəmiyyəti” İB-ə (BƏCİB) Astara rayon sakini Məlik Məlikov müraciət etmişdir. Onun sağlamlığında ciddi problem olduğunu nəzərə alaraq layihə iştirakçıları onun evində olmuş problemləri ilə yaxından tanış olmuşlar. Məlik Məlikov 2-ci Qarabağ müharibəsi zamanı Xocavənd rayonu uğrunda gedən döyüşlərdə ağır yaralanaraq müxtəlif xəstəxanalarda uzunmüddətli müalicələr alıb. Son dəfə öz vəsaiti hesabına özəl xəstəxanada əməliyyat olunsa da yenə də müalicəyə, əməliyyata ehtiyacı var. Həm də əlillik dərəcəsinin alınmasında problem yaşadığını bildirir.
İctimai birlik tərəfindən Qarabağ müharibəsi
iştirakçısının probleminin həlli üçün aidiyyəti təşkilatlara müraciət edilib. Müsbət
nəticələr alınacağına ümid edirik.
Mətbuat Xidmətindən
04.08.2025
QHT əməkdaşları Qarabağda
Gəncə şəhərində Tehranda şəhid edilmiş Orxan Əsgərovun atası Rizvan Əsgərova, hər biri polis əməkdaşı olan 2 qardaşı və həyat yoldaşı Birinci Qarabağ müharibəsi zamanı şəhid olmuş, Xankəndi şəhərində yaşayan Təranə Şahmuradovaya baş çəkmişlər.
QHT Zaqatala rayonuna əlilliyi olan insanların çağırışına getdi
Zaqatala rayonu Car kəndinin sakinləri Məhəbbət Abramova, Qarabağ müharibəsi əlili Elxan Arasov və anadangəlmə xəstə uşaq Asiyat Qazıyevanın valideynləri müraciət etmişlər. Bu günlərdə BƏCİB-in əməkdaşları onların problemləri ilə yaxından tanış olmaq üçün Zaqatala rayonunun Car kəndinə səfər etmişlər.
“Beynəlxalq Əlillər Cəmiyyəti” İB növbəti dəfə “Biz Sizinləyik” dedi
Bu gün “Dünya” TV-nin efirindən BƏC İB növbəti dəfə “Biz sizinləyik”-, dedi. Bu silsilə verilişlərin daimi aparıcısı olan “Dünya” TV-nin istedadlı əməkdaşı Xuraman Aydınqızı Agentliyin dəstəyi ilə həyata keçirilən bu layihənin əhəmiyyətindən danışdı, vacibliyini vurğuladı.
