Sentyabr ayının 28-də II Nəsimi – şeir, incəsənət və mənəviyyat Festivalı çərçivəsində “British Council Azerbaijan”ın təşkilatçılığı, Heydər Əliyev Fondunun və Mədəniyyət Nazirliyinin tərəfdaşlığı ilə Azərbaycan Dövlət Akademik Milli Dram Teatrında “Candoco” və “Lost dog” qruplarının birgə hazırladığı “Arqonavtlar” beynəlxalq inklüziv tamaşası və “Candoco” rəqs qrupunun ifasında “Üz-üzə” və “İkimiz də bilirik” tamaşaları təqdim olundu.Tamaşaların təqdimatında Heydər Əliyev Fondunun vitse-prezidenti Leyla Əliyeva da iştirak edirdi. Əvvəlcə Böyük Britaniyanın ölkəmizdəki səfiri Ceyms Şarp çıxış edərək tamaşaların inklüzivlik mövzusuna həsr olunduğunu bildirdi. "British Council Azerbaijan"ın direktoru Samr Şah bu tamaşaların Azərbaycan, Böyük Britaniya, Ukrayna və Gürcüstandan olan əlilliyi olan həvəskar və peşəkar aktyorların dörd il ərzində çəkdikləri zəhmət hesabına ərsəyə gəldiyini bildirdi.

         Sonra tamaşalar nümayiş etdirildi. Əlilliyi olan istedadlı aktyorların ifası  tamaçaşılar tərəfindən alğışlarla qarşılandı.

         Tamaşaları izləyənlər arasında  Ramanadakı 1 saylı Sağlamlıq İmkanları Məhdud Gənclərin Peşə Reabilitasiya Mərkəzinin direktoru Rəhilə Həsrətova, "Tərəqqi" medalına layiq görülən Azərbaycanın ilk qadın paralimpiyaçısı Zinyət Vəliyeva, "Beynəlxalq Əlillər Cəmiyyəti"nin əməkdaşı Leyla Babazadə, dövlət təşkilatları, QHT və ictimaiyyət nümayəndələri də var idi.