İctimai Birliyimizə daha bir ağır itki üz verdi
Azərbaycanın xalq artisti, görkəmli muğam ifaçısı Qədir Rüstəmov dünyasını dəyişib. Ustad xanəndə Qədir Rüstəmov həm də “Əlillər Dünyası” qəzetinin Redaksiya Heyətinin və “Beynəlxalq Əlillər Cəmiyyəti” İctimai Birliyinin İdarə Heyətinin üzvü idi.
Uzun sürən xəstəlikdən sonra 14 dekabr 2011-ci il tarixində İstanbulun Acıbadem Xəstəxanasında vəfat edən Azərbaycanın xalq artisti Qədir Rüstəmovun cənazəsi bu gün gecə saatlarında Bakıya gətirilmişdir. Qədir Rüstəmovun cənazəsini qarşılayanlar arasında “Beynəlxalq Əlillər Cəmiyyəti” İctimai Birliyinin sədri Tahir Xudiyev və onlarla üzvlərimiz var idi.
Qədir Rüstəmov 1935-ci ildə Ağdam rayonunda anadan olmuş, burada yaşamış və xanəndə kimi yetişmişdir. Özünəməxsus ifa tərzi ilə əsil xalq artisti kimi xalqın sevgisini qazanmışdır. Milli musiqi mədəniyyəti sahəsində nailiyyətlərinə görə Qədir Rüstəmov Azərbaycan Respublikasının ali mükafatı olan “Şöhrət” ordeni ilə təltif edilmişdir. Qədir Rüstəmovun ifasında bir sıra muğam dəsgahları radionun fondunda saxlanılır.
Qarabağ, Ağdam həsrəti ilə dünyasını dəyişən Qədir Rüstəmovla vida mərasimi bu gün saat 12:00-da Bakı Musiqi Akademiyasında başlanacaq. Yas mərasimi 3 gün Təzə Pir məscidində davam edəcəkdir.
Gözəl insan, sevimli xanəndə Qədir Rüstəmovun əziz xatirəsi onu sevənlərin qəlbində həmişə yaşayacaqdır!
ALLAH RƏHMƏT ELƏSİN!
QHT-lər şəhid anası ilə dövlət məmurları və ictimaiyyətin görüşunu təşkil etdi
Bir müddət bundan öncə Azərbaycandan olan bir qrup şəhid ailələri üzvlərinin Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnuk-leytenant Rəşad Quliyevin anası Mətanət Quliyeva da var idi.
XANKƏNDİNDƏ
“Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” İB-in əməkdaşları və Gəncə ziyalıları Xankəndində-30.08.2024-cü il. Bü günləri bizə yaşadan ŞƏHİDLƏRİMİZƏ ALLAH RƏHMƏT ELƏSİN, QAZİLƏRİMİZƏ ÖMÜR VERSİN.
“Beynəlxalq Əlillər Cəmiyyəti” İB “Dünya” TV-də “Biz sizinləyik” adlı veriliş hazırladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İctimai Birliyinin (BƏC İB) həyata keçirdiyi "Müharibə əlilləri və şəhid ailələri ilə iş" adlı layihənin icrası zamanı 5 iyul tarixində “Dünya” TV-də “Biz sizinləyik” adlı televiziya verilişi canlı şəkildə efirə getdi.
