Ulu öndər Heydər Əliyevin 100 illik yubileyinə “Ümid” Taekvondo Klubunun töhfəsi
Bu günlərdə Bakı şəhərində Heydər Əliyev Mərkəzinin parkında Ümummilli liderin 100 illik yubileyi və Dünya Taekvondo Federasiyasının 50 illik yubileyi münasibəti ilə əməkdar idman ustası, iki qat Avropa çempionu, “Ümid” Taekvondo Klubunun rəhbəri İlkin Şahbazovun başçılığı ilə Masterklass təlimi keçirildi.
Azərbaycan Taekvondo Federasiyasının vitse-prezidentləri Nağı Səfərov və Niyaməddin Paşayevin rəhbərliyi ilə hazırlanan bu tədbirə səylə hazırlaşan gənc idmançılar möhtəşəm çıxış etdilər. Tədbirdə dövlət təşkilatları və digər ictimaiyyət nümayəndələri ilə yanaşı şəhid ailələri və qazilər də iştirak edirdilər. Federasiya adından onlara simvolik hədiyyələr təqdim olundu. Əməkdar idman ustası İlkin Şahbazovun rəhbərliyi ilə yüksək səviyyədə keçirilən bu masterklass şəhərimizin qonaqları olan turistlərin də böyük marağına səbəb oldu. İdmançıların çıxışları alqışlarla qarşılandı.
Masterklassdan sonra “Ümid” Taekvondo Klubunun idmançıları, valideynlər və rəhbərlik Fəxri Xiyabana gedərək Ulu öndər Heydər Əliyevin məzarını ziyarət etmiş, gül-çiçək dəstələri düzmüşlər.
Məlumat üçün bildiririk ki, Taekvondo üzrə 26-cı Dünya Çempionatı bu il 29 may – 4 iyun tarixlərində Bakı şəhərində keçiriləcək. Beynəlxalq əhəmiyyətə malik olan bu Çempionatla əlaqədar paytaxtımıza 3 minədək qonağın gəlişi gözlənilir.
Onu da qeyd etmək istərdik ki, “Beynəlxalq Əlillər Cəmiyyəti” İB-in İdarə Heyəti üzvü, AzTV-nin redaktoru, əməkdar jurnalist Zərnişan xanım Azayevanın nəvəsi Esmanur da “Ümid” Taekvondo Klubunun üzvüdür. Dəfələrlə respublikadaxili yarışlarda qalib olmuş 9 yaşlı Esmanur Azayeva bu yaxınlarda Özbəkistanın paytaxtı Daşkənd şəhərində keçirilən Beynəlxalq təlim məşq toplantısının təşkil etdiyi yarışlarda ölkəmizi təmsil edən “Ümid” Taekvondo Klubunun üzvü olan və hər biri diplom və medallar qazanan 7 nəfər idmançısı arasında yeganə qız nümayəndə olaraq yarışda qalıb gəlmiş və bürünc medal qazanmışdır.
“Ümid” Taekvondo Klubunun məşqçısı, əməkdar idman ustası İlkin Şahbazovun başçılığı ilə Klubun üzv olan idmançılarımıza davamlı qələbələr arzulayırıq.
Məlahət Abdullayeva
"Əlillər Dünyası" qəzetindən
15.05.2023
QHT-lər şəhid anası ilə dövlət məmurları və ictimaiyyətin görüşunu təşkil etdi
Bir müddət bundan öncə Azərbaycandan olan bir qrup şəhid ailələri üzvlərinin Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnuk-leytenant Rəşad Quliyevin anası Mətanət Quliyeva da var idi.
XANKƏNDİNDƏ
“Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” İB-in əməkdaşları və Gəncə ziyalıları Xankəndində-30.08.2024-cü il. Bü günləri bizə yaşadan ŞƏHİDLƏRİMİZƏ ALLAH RƏHMƏT ELƏSİN, QAZİLƏRİMİZƏ ÖMÜR VERSİN.
“Beynəlxalq Əlillər Cəmiyyəti” İB “Dünya” TV-də “Biz sizinləyik” adlı veriliş hazırladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İctimai Birliyinin (BƏC İB) həyata keçirdiyi "Müharibə əlilləri və şəhid ailələri ilə iş" adlı layihənin icrası zamanı 5 iyul tarixində “Dünya” TV-də “Biz sizinləyik” adlı televiziya verilişi canlı şəkildə efirə getdi.
