"Zəif əzələ, güclü iradə"
Mart ayının 3-də Sumqayıt şəhər Poeziya Evində yazar, 1-ci qrup əlil, "Əlilliyi Olan Şəxslərin Sosial Müdafiəsinə və İnteqrasiyasına Dəstək" İctimai Birliyinin (ƏSMİD) üzvü Samir İmanovun “Zəif Əzələ, Güclü İradə” adlı kitabının imza günü keçirildi.
Giriş sözü ilə tədbiri açan Poeziya evinin rəhbəri, Azərbaycan Yazıçılar Birliyinin üzvü İbrahim İlyaslı Samir İmanovun kitabı ilə bağlı öz fikirlərini bölüşdü və ona yaradıcılıq uğurları arzuladı. Tədbirin aparıcısı şair, əməkdar jurnalist Əli Nəcəfxanlı Samir İmanovun çox güclü iradəyə məxsus olduğunu bildirdi.
Tədbirdə iştirak edən "Əlillər Dünyası" qəzetinin Baş Redaktoru və "Beynəlxalq Əlillər Cəmiyyəti" İB-in Sədri Tahir Xudiyev Samir İmanovun əsərlərinin əlilliyi olan insanlara mənəvi dəstək olduğu, onlarda ruh yüksəkliyi yaratdığını vurğuladı. Çıxış edənlər- Sumqayıt şəhər Bələdiyyəsinin nümayəndəsi Gülrəng xanım, Sumqayıt Təhsil şöbəsinin əməkdaşı Balayar Əliyev, AYB-nin Sumqayıt bölməsinin sədri Gülnarə Cəmaləddin, Sumqayıt şəhər 23 saylı orta məktəbin direktoru Reyhan Yunisova, Sumqayıt şəhər Məşğulluq Mərkəzinin nümayəndəsi Zaur Allahverdiyev, ƏSMİD İctimai Birliyinin sədri Səbinə Kərimova və digər QHT rəhbərləri - Mətanət Əsgərqızı, Zenfira Mustafayeva, Cəmilə Abdulova, Cəsarət Hüseynzadə, Rövşən Ağamalıyev, Gəray Əlibəyov da öz ürək sözlərini söylədilər, müəllifə yaradıcılıq uğurları arzuladılar.
"Əlilliyi Olan Şəxslərin Sosial Müdafiəsinə və İnteqrasiyasına Dəstək" İctimai Birliyinin təşkilatçılığı ilə keçirilən bu tədbirdə bir çox dövlət, media, QHT və ictimaiyyət nümayəndələri də iştirak edirdilər.
Məlahət Abdullayeva
"Əlillər Dünyası" qəzeti
06.03.2020
QHT-lər şəhid anası ilə dövlət məmurları və ictimaiyyətin görüşunu təşkil etdi
Bir müddət bundan öncə Azərbaycandan olan bir qrup şəhid ailələri üzvlərinin Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnuk-leytenant Rəşad Quliyevin anası Mətanət Quliyeva da var idi.
XANKƏNDİNDƏ
“Türk Dünyası Turan Düşüncə Mərkəzi”, “Beynəlxalq Əlillər Cəmiyyəti” İB-in əməkdaşları və Gəncə ziyalıları Xankəndində-30.08.2024-cü il. Bü günləri bizə yaşadan ŞƏHİDLƏRİMİZƏ ALLAH RƏHMƏT ELƏSİN, QAZİLƏRİMİZƏ ÖMÜR VERSİN.
“Beynəlxalq Əlillər Cəmiyyəti” İB “Dünya” TV-də “Biz sizinləyik” adlı veriliş hazırladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İctimai Birliyinin (BƏC İB) həyata keçirdiyi "Müharibə əlilləri və şəhid ailələri ilə iş" adlı layihənin icrası zamanı 5 iyul tarixində “Dünya” TV-də “Biz sizinləyik” adlı televiziya verilişi canlı şəkildə efirə getdi.
